إرتفاع عدد المرفحين فالمغرب لي عندهم أكثر من 28 مليار سنتيم ف 5 سنوات الأخيرة

المغرب عرف خلال السنوات الخمس الأخيرة ارتفاع واضح فعدد المرفحين اللي كيمتلكو ثروات كبيرة، و هذا مؤشر على توسع دائرة الثروة الخاصة داخل المملكة، رغم أن الفارق باقي كبير مقارنة مع أكبر مراكز الثروة فالعالم.

وحسب تقرير الثروة 2026 الصادر عن مجموعة «نايت فرانك»، فإن عدد المغاربة اللي كتفوق ثروتهم الصافية 30 مليون دولار أي 28 مليار سنتيم ارتفع من 305 أشخاص سنة 2021 إلى 432 شخصاً سنة 2026، أي بزيادة كتقارب 41.6% خلال خمس سنوات.

هاد النمو كيخلي المغرب يحتل المرتبة 14 من أصل 44 دولة من حيث تطور عدد كبار الأثرياء، متجاوزاً بذلك المعدل العالمي اللي وصل لـ29.4%.

والأرقام كتشير حتى للمستقبل، بحيث كتتوقع «نايت فرانك» يوصل عدد كبار الأثرياء فالمغرب لحوالي 550 شخصاً بحلول سنة 2031، أي بزيادة إضافية كتناهز 27.3% مقارنة مع المستوى المسجل سنة 2026.

بمعنى آخر، الثروة الكبيرة فالمغرب ماشي غير كتزاد… ولكن عدد الناس اللي كيدخلو لنادي كبار المرفحين حتى هو كيتزاد بوتيرة أسرع من المتوسط العالمي.