فيديو مقرف من سوق الهداية بجنوب آسفي.. مشروع دارتو المبادرة الوطنية وتكرفسات عليه الجمعية المسيرة

سوق القرب الهداية بجنوب آسفي، اللي كان المفروض يكون فضاء منظم ونظيف يحفظ كرامة التجار والمواطنين، كيبان اليوم فحالة كتطرح أكثر من علامة استفهام: أوساخ، روائح كريهة، وإهمال وصل لدرجة أن بعض الناس كيقضيو حاجتهم داخل المحلات!

والمشكل هنا ماشي غير فالنظافة… هاد الأسواق تدار أصلاً فإطار برامج التنمية والمبادرة الوطنية للتنمية البشرية، والهدف منها تنظيم التجارة وتوفير ظروف لائقة للتجار و المواطنين .

وإذا كانت جمعيات مكلفة بتدبير السوق وكتستخلص واجبات من التجار مقابل خدمات بحال النظافة، الصيانة والحراسة، فالسؤال واضح: فين كتمشي هاد المداخيل؟ وفين هي المراقبة؟ وشكون مسؤول على هاد الوضع؟

الفيديو المتداول كيعطي صورة صادمة على الواقع… وهنا كيبقى السؤال الأكبر: فين هي السلطة المحلية؟ وفين هي المراقبة والتتبع باش هاد المشروع ما يتحولش من سوق نموذجي إلى فضاء للإهمال؟

واش خاص حتى توقع شي كارثة صحية ولا أمنية باش يتحركو؟