الأغلبية الحكومية تهدي للوبي الأبناك هدية مع الإنتخابات باش تبيع كريديات ديال المواطنين بلا خبارهم

خطوة جديدة كتثير الجدل فالمغرب! فإطار مشروع قانون جديد، كيتفتح الباب قدّام الأبناك باش تفوّت، أو تبيع، الديون والكريديات المتعثرة ديال المواطنين والمقاولات لجهات ومستثمرين متخصصين، بهدف تخفيف عبء القروض اللي ما تخلصاتش على البنوك وخلق سوق للديون المتعثرة.

بمعنى بسيط: المواطن اللي عندو كريدي وما قدرش يخلصو، ممكن يولي الدين ديالو عند جهة أخرى من غير البنك اللي تسلف من عندو، والجهة الجديدة هي اللي غادي تولي معنية بتدبير وتحصيل هاد الدين، وفق الشروط والإطار القانوني اللي غادي يتحدد.

ومع وصول حجم القروض المتعثرة فالأبناك المغربية لحوالي 106 مليار درهم، كيبقى السؤال المطروح: واش هاد الخطوة غادي تحمي حقوق المواطنين، ولا غادي تفتح الباب لمشاكل جديدة مع شركات تحصيل الديون؟