جلسة عناق مع حمار… من أغرب طرق محاربة الاكتئاب !
تيلي آسفي : أحمد الزوبيري
في واحد من أغرب من تجارب الاسترخاء، ولى كاينين مزارع كتخصص جلسات سميتها Donkey Cuddling، فين كيقدر الزائر يجلس وسط الحمير، يلعب معاهم، يمشط ليهم شعرهم، وحتى يحضنهم لمدة كتقارب ساعة.
الفكرة ماشي نكتة ولا عرض ديال سيرك؛ بعض المزارع كتقدمها كتجربة للهدوء والتواصل مع الحيوانات، وكتقول إن قضاء الوقت وسط الحمير الهادئة كيعاون الناس يبطؤوا التنفس ديالهم ويخرجو شوية من ضغط الحياة اليومية.
والأغرب أن الموضوع داخل ضمن توجه أكبر يسمى Care Farming، أي استعمال أجواء المزارع والتفاعل مع الحيوانات كجزء من أنشطة داعمة للصحة النفسية. دراسات راجعت هذا النوع من التجارب ولقات بعض المؤشرات على إمكانية مساعدة الناس في تخفيف القلق والاكتئاب، لكنها أكدت أن الأدلة العلمية ما زالت محدودة وما كتسمحش باعتبارها علاجاً طبياً بحد ذاتها.
يعني باختصار: بدل ما تجلس عند الطبيب وتحكي ليه على الستريس… كاين اللي كيمشي يجلس حدّ حمار ويحكي ليه همومو!
