البيرة مهددة بالغلاء فـ2027.. ضريبة جديدة تلوح في الأفق

البيرة فالمغرب ممكن تولّي غالية ابتداءً من سنة 2027، بعد إدراج تعديل جديد ضمن مشروع قانون المالية، كيتعلق بالضرائب المفروضة على الشركات العاملة في إنتاج واستيراد البيرة الكحولية.

وحسب المعطيات المتداولة، المشروع كينص على ضريبة إضافية على أرباح شركات صناعة التبغ وشركات إنتاج واستيراد البيرة، مع تحديد معدل الضريبة بالنسبة للبيرة في 20%.

هاد التعديل يقدر يفتح الباب أمام ارتفاع جديد فالثمن، خصوصاً إلا قررت الشركات تمرّر جزء من الكلفة الإضافية للمستهلك.

والسؤال اللي مطروح: واش الزيادة غادي تخلصها الشركات من أرباحها، ولا غادي توصل فالأخير لجيب مول البيرة؟